أغرب 10 أنواع من الفوبيا اللي ممكن تبقي عندك ومتكونش عارف

الفوبيا غير الخوف . الخوف غريزة إنسانية وشعور طبيعي بيصدر تجاه نوع معين من الخطر، بس لما يبقي زيادة عن اللزوم بيبقي مرض نفسي هنا بنسميه فوبيا بمعني أن الشخص بيخاف من حاجه هي أساسامش بتكون مصدر تهديد علي حياته زي مثلا أنه يخاف من الضلمة وغيرها.

بس هنا هنقول كام نوع من الفوبياوات اللي ممكن يكون في ناس بتعاني منها ومش عارفه بس المرة دي هتكون غريبه شوية .

آجيروفوبيا Agyrophobia – الخوف من عبور الطريق

والنوع ده من الفةبيا الشخص بيخاف أنه يعدي الشارع أو الطرق السريعة أو التقطاعات اللي بتلاقيها معجونه عربيات كده، وبيوصل الأمر أنه بيخاف يقرب حتي من الشارع في العموم، والنويعه دي من الناس بيبقي صعب عليهم أنهم يعيشوا في العواصم الزحمه أو الأماكن اللي مش مخططه ومبنية بشكل عشوائي والناي والبيوت والشوارع بتيبقي علي بعضها، وتلاقيهم بيميلوا لأنهم يعيشوا في الأرياف أو التجمعات السكنيه اللي بعيده عن الزحمة.

ماجيروكوفوبيا Mageirocophobia الخوف من الطبخ


و النوع ده غريب بيكون عبارة عن إن الشخص بيخاف من يطبخ أو يعمل أكل لنفسه فتلاقية شغال علي الدليفري والأكل بتاع الشارع ، دا غير أنه كمان بيخاف من الطباخين اللي بيكونوا نمه واحد في الطبخ.

بيديوفوبيا Pediophobia الخوف من الدُمى (لعب الأطفال)

مع إن ساعات بنشوف في أفلام الرعب عرايس ودمي مرعبه فعلا، بس الشخص اللي عنده النوع ده من الفوبيا بيخاف من أي نوع من لعب الاطفال أو العرايس، فتلاقي الشخص ده بيبعد علي أنه يروح المولات أو السوبر ماركت الكبيرة تحسبا لأنه يشوف العرايس دي موجوده في محلات اللعب أو في قسم الأطفال، لكن هنا عايزين نفرق بين الخوف من العرايس والخوف من الأطفال نفسه اللي هو أسمه pedophobia.

ديـبـنـوفوبيا deipnophobia الخوف من الحديث وقت العشاء

و المصاب بالنوع ده من الفوبيا بيحس برعب من فكرة أنه يرغي أو يتكلم مع أي شخص وهو بيتعشي بالليل أو أي حد يتكلم وهو بتعشي، وتلاقيه دايما بيهرب من العوزمات علي العشا وبيحب ياكل أغلب الوقت لوحده.

أيسبتروفوبيا Catoptophobie/Eisophobie الخوف من المــرآة

وهنا مش بس أنه بيخاف يبص في المراية لا دا بيخاف أنه يعدي من قدامها في الأساس، بشكل محدد أكتر بيخاف من أنه يحصل إتصال بالعالم الروحاني من خلال المرآة، وبيرجع الخوف ده للخرافات، وبيحس اللي عنده النوع ده من الفوبيا بالرعب لو المراية اكسرت علي أساس أنه نوع من الحظ السئ وأن فيه جوه المراية اللي اتكسرت دي عالم خارق للطبيعة ممكن يخرجوا منها لو اتكسرت.


ديـمـنـوفوبياDemonophobia الخوف من الشياطين

ممكن نستغرب شوية من النوع ده من الفوبيا، لكن فيه ناس فعلا عندها خوف هستيري من الأشباح والشياطين، وعندهم اعتقاد أن فيه كائنات خارقة موجودة حولنا بتتحرك بحرية وممكن تإذينا في أي وقت ،وهو بالتأكيد خوف مبالغ فيه وغير منطقي، دا غير كمان أنه بيحس بالرعب والقلق لو حد فتح سيرة الموضوع ده قدامه، ويعتبر وجوده في منزل ضلمه أو الفرجه علي فيلم رعب من رابع المستحيلات.

بانثروفوبيا الخوف من حماتك!

فيه فعلا ناس عندها خوف مش طبيعي من حماتها علي الرغم أن طبيعي أي واحده أو واحد تخاف من حماتها لأنهما ممكن تنكد عليه حياته كلها بس فيه ناس عندها خوف مرضي فعلا، على الرغم من أن أغلب الأفلام العربية والغربية صورت الخوف بشكل كوميدي، زي فيلم “حماتي ملاك” و”الحموات الفاتنات” و”حماتي قنبلة ذرية” وغيرها من الافلام اللي بتضحك، إلا أن الخوف من الحموات أمر شائع جداً في كل بلدان العالم وبيسبب القلق .

أراكـيـبـتـروفوبيا الخوف من إن زبدة الفول السوداني تلزق في سقف الحلق

هنا ممكن ما يكونش الشعور بأنه خوف بالمعنى الشائع، بس الفكرة نفسها ممكن تسبب إضطراب لما يتعرض الشخص للموقف ده الأمر اللي ممكن يوصل أن الشخص يبعد عن أنه ياكل أو يكون موجود زبدة الفول السوداني في البيت .

كاثـيـسـوفوبيا الخوف من الجلوس

النوع ده من الخوف ممكن يكون سببه أنه قعد مرة علي كرسي فيه حاجه بيتوجع دبوس أو غيره، فا بيلزق في مخ الشخص أنه لو قعد علي أي كرسي هيمر بنفس التجربه المؤلمه ولو اضطر انه يقعد بيحس بقلق وعرق شديد وصعوبة في التنفس.

أوتوماتـيـنـوفوبيا الخوف من العرايس اللي بطلع صوت من بطنها

وفيه كتير شايفين أن النوع ده من الخوف طبيعي علي أساس أن فيه ناس ممكن ما تحبس أنها تضرب لعبة أطفال في بطنها عشان تطلع صوت مضحك مثلا ، والغريب ان اللي عندهم النوع ده من الخوف مش شافيه أنه فوبيا أو مرض نفسي ومش بيحبوا يتعالجوا منه.