18 خطــأ يدمر أى مشروع صغير، ناشىء او ناجح.

1- مؤسس واحد فقط.
2- مكان سىء.
3- تخصص مهمش او منبوذ.
4-فكرة منسوخة.
5- العِــناد.
6- التعاقد مع موظفين سيئين.
7- إختيار منصة وبيئة عمل خاطئة.
8- البطء فى الإطلاق.
9- الإطلاق فى وقت مبكر للغاية.
10- عدم وضع شريحة مستخدمين محددة فى الحسبان.
11- جمع القليل جداً من المال.
12- إنفاق الكثير من الأموال.
13- جمع الكثير جداً من الأموال.
14- سوء إدارة المستثمر.
15- التضحية بالمستخدمين من أجل أرباح (متوقعة).
16- عدم التنبية على مزيد من الجهد.
17- التعارك بين المؤسسين.
18- الفتور وقلة الحماس.

◄ من البداية لازم تفهم كويس إنك مش حتقدر تعمل كل حاجة لوحدك (معظم رواد الأعمال لا يثقون فى غيرهم)، كل واحد فينا عايز يعمل كل حاجة بنفسه إعتقاداً منه انه بيعملها بأفضل طريقة وأعلى جودة.

◄ الاستاذ David Ogilvy بيقول انك لازم توظف ناس أفضل منك، steve jobs بيطلب منك توظف ناس مش عشان تقولهم يعملوا اية!! لاء عشان هما اللى يقولوا ليك تعمل اية!! لذلك مهم جداً انك ما تكونش لوحدك.

◄ دور على شركاء ليك من بداية الفكرة.. بلاش الخوف على سرية فكرتك يخليك تفكر لوحدك، بالعكس لازم تكون على يقين ان ممكن فكرتك تكون بالفعل موجودة فى السوق، او يكون حد فى نفس الوقت بيفكر فى الفكرة بتاعتك.

◄ من عدة شهور شركة حسوب كانت بتعمل موقع إسمة فى نفس الوقت اللى كان فية وسام صالح بيعملMostaqqel
الغريبة ان الاتنين بدأوا الفكرة سوياً وظهرت للنور تقريباً فى نفس التوقيت .. ودا كان بالنسبة ليا مشكلة كبيرة، لانى دايماً بشوف ان التكامل والتنسيق والتعاون والمشاركة فى الافكار أفضل بكثير جداً من المنافسة..

◄ إختيارك للمكان اللى حتبدأ فية مشروعك واحد من اهم اسباب نجاح المشروع، خلى بالك المستهلك بيشوف بعينة الاول مش بجودة منتجك او روعة الخدمات اللى بتقدمها... زى ما شكل المنتج لازم يكون كويس .. بردة مقر الشركة اللى بتقدم المنتج لازم يكون رائع فى مكان رائع وسط الزبائن المحتملين.

◄ بحث Harvard Business Review كان ليهم بحث عن مقولة رائعة بتقول ( When You Can’t Innovate, Copy ) .. مش شرط ان فكرتك ومشروعك يكون حاجة ابداعية وجديدة من نوعها، بالعكس احياناً الابداع بيكون فى تقليد الفكرة الاساسية مع الاضافات وحل المشاكل الحالية والإبداع فى نموذج العمل "Business Model" وغيرهم...

◄ الوقت هو أهم عامل لكل رواد الأعمال .. اعرف شخص فاضل بقاله 25 سنة بيشتغل على إطلاق برنامج ERP/CRM بيحاول ينافس بيه الشركات العالمية زى Sage, SAP, Oracle, Microsoft المشكلة ان الشخص دا ضيع عمره كلة بيدرس وبيتابع مميزات الشركات سابقة الذكر وبيطور على البرنامج اللى بيعملة .. والعمر عدى .. ولا منها اطلق المشروع للنور .. ولا منها استفاد بالوقت..

◄ لازم تهتم بالــ MVP- minimum viable product بمعنى النموذج الاولى للمنتج او الفكرة .. ومش لازم تكون تحتوى على كل المميزات اللى بتطمح ليها .. بس على الاقل النموذج الاولى بيقدر يخليك تجس نبض السوق وتعرف مدى قابلية السوق لإستقبال منتجك.

◄ الاستاذ Eric Rise مؤلف كتاب Lean Startup بيعلمنا ان الموديل بتاع Technology adoption lifecycle ومعرفة customer acquisition cost و الــ customer lifetime value بتتحقق بشكل كبير لما يكون معاك نموذج اولى لان دا بيساعدك على تقليل التكلفة والتركيز اكثر على النتائج.

◄المال هو الأساس .. رأس المال هو اللى بيخليك تعرف تحدد المصير .. يكدب عليك اللى يقولك ابدأ السلم من تحت بخمسة جنية .. وكداب اللى يقولك لازم تحوش مليون جنية عشان تبدأ. الموضوع بالكامل يحتاج الى دراسة بسيطة لطبيعة الفكرة والمشروع ومحددات الــ 4PS اللى بناءاً على دراستهم جيداً حتعرف انت محتاج كام.

◄ الادارة هى كل شىء .. القيادة هى فن الادارة .. لو حاسس انك مدير فاشل .. مش عيب انك تكون صاحب فكرة فقط و ممول وتجيب حد ذو كفاءة فى الادارة لتحمل الاعباء واتخاذ القرارات.

◄المستهلك هو الحياة .. عميلك هو الهدف والحياة والحلم والغاية ودا بأى حال من الاحوال لا يبرر الوسيلة .. لازم تركز على اهم 5 نقاط

---- 1- تحديد السوق المستهدف.
-----2- تحديد العميل المستهدف.
-----3- تحديد المنافسين.
-----4- تحديد المزيج الترويجي.
-----5- تحديد القيمة المضافة للعميل.

◄ خلى بالك .. فى اللحظة اللى تحس فيها ان الحماس جواك مات .. او حبك للمشروع انتهى .. او حلمك بيفوق على كابوس .. وفى اللحظة اللى تلاقى فيها الخلافات زادت بينك وبين الشركاء .. لازم تتوقف فوراً عن الاستمرار لحين دراسة وتقييم الوضع الحالى .. ولازم تبدأ تراجع نفسك من جديد.