اتعلّم ... وانشر علمك .!

تعرف ان انت كطالب او دكتور او معيد في اي جامعه.. في جيبك حوالي 5000$ و انت مضيعهم في الهوا و عمرك ما فكرت تسأل عنهم ولا تاخدهم.

بما ان النظام التعليمي هنا في مصر ممتاز و كلنا بنفهم كل حاجة و الحياة جميلة و عارفين كل حقوقنا اللي المفروض ناخدها ففي نعمة كبيرة جدا كلنا الحمد لله عارفينها اسمها الإيميل الجامعي.
 و ده بالظبط زي الكارنيه الجامعي بتاعك بس علي النت.

طب و ده ايه فايدته؟
في شركات كتير جدا مودوة بتقدم خدمات لكل طلبة العالم.. تقدر انت كمان تعمل  Account علي الموقع بتاعهم وتستفيد انت كمان.

تعمل الإيميل الجامعي ده ازاي؟
في كل كلية وحدة Information Technologyy.. ممكن تدور عليه في كليتك.

تدخل و تقولهم عايز اخد الإيميل بتاعي .. هيدوك Application تملاه.. و تدفع 5 جنيه مثلاً.. و تيجي تاني يوم تاخد الأيميل بتاعك.. او في نفس اليوم لو مفيش ضغط.
 بس عندنا احنا في كليتنا مافيش اي فلوس بتدفعها والإيميل بتاعنا بالفعل معمول لكل اللي موجودين في الكليه.

الفرق بين إيميل Google - Yahoo - Hotmail وبين الإيميل الجامعي.. ان ده بيبقي شكله كده yourname@m-eng.helwan.edu.eg.
الm-eng.helwan.edu.eg ده الـDomainn بتاع كليات جامعة حلوان.

عشان تقدر تفتح الايميل الجامعي استخدم الـLink ده.
https://login.microsoftonline.com/ppsecure/post.srf

تقدر تحمل كل منتجات شركة Microsoft.. سواء Windows - Office و منتجات انت مسمعتش عنها حاجة.. المنتجات دي بيوصل عددها لاكتر من 150 منتج.. كل ده مجاناً ليك انت كحامل للإيميل الجامعي.
تقدر تحملهم من هنا.
http://goo.gl/22WyI2
بس الاول متنساش تعمل Student Account.. عن طريق انك بتـLog inn بأي ايميل بتاع شركة Microsoft.. ده اللي هو اية؟
اللي هو الـHotmail - Outlook - Windows Live.. المهم انه بتاع Microsoftt.. ومتنساش تعمل Verification من الإيميل نفسه وبكدة تقدر تحمل كل حاجة متاحة في الـSoftware Catalog.

سيبك بقي من Microsoft.. خلينا في Autodesk اشهر من نار على علم طبعا.. و اكتر ناس هتبقي عارفاها المهندسين.
بتقدم برامج زي
(Maya - 3D Max - Inventor Professional - Autocad)
تقدر تحملهم من هنا.
http://goo.gl/fJW1IP

سيبك بقي من Microsoft و Autodesk و خلينا في شركة JetBrains الشركة دي بقي هتفيدك جدا لو انت مبرمج.. و ما اكثر المبرمجين سواء عندنا في الكلية او براها الشركة دي بتقدم منتجات و ادوات بأكثر من 300$ لو انت مش معاك الأيميل الجامعي ده.
لكن تخيل انك لو عملته هتقدر تاخدها ببلاش.
تقدر تحملهم من هنا.
http://goo.gl/KWUHnO

تعالي بقي لشركة Adobe.. تقدر تحصل على برامجها الأصلية من غير ما تقعد تحمل الكراك.. و ينتهي وتفضل تجدد فيه و الكلام ده
و خصومات تصل الى 70% - 60%.
تقدر تحملهم من هنا.
http://goo.gl/niDOpo

طب تعرف شركة Amazon.com ايوة هي بتاعة البيع و الشرا دي.. بتقدم خدمات مفيش حد فكر انه يعرف عنها حاجة! و برده للطالب اللي معاه ايميل جامعي.
ممكن تكتشفها بنفسك من هنا.
http://goo.gl/FeUCW8

دي بقي تعتبر اقوي قائمة برامج و أدوات مجانية من GitHub.
 هتشوف حاجات لا سمعت عنها واول مرة في حياتك تشوفها.. قيمة البرامج علي الموقع ده بس تقريبا اكتر من 1500$ سنويا.. كل اللي عليك تخش بالايميل الجامعي بتاعك وتقدر تنزل اللي انت محتاجه في الوقت الحالي.
تقدر تحملهم من هنا.
https://goo.gl/wNCpUD

نيجي بقي لبرنامج يعتبر مفيد لينا كلنا وهو RipTiger هو برنامج سهل جداً في استخدامه يقوم تلقائيا بتحميل اي فيديو بتشوفه علي الـBrowser بتاعك واي مواد متعلقه بالفيديو.
تقدر تحمله من هنا.
http://goo.gl/pt4Iax

في ناس اكيد مهتمه يكون عندها موقع خاص بيها وهنا يجي دور WestHost للطلبه.
ده بقي بيقدملك سنة كاملة استضافة مجانيه تقدر تستفيد بيها في اي وقت.
كل التفاصيل من هنا.
http://goo.gl/i8Gh4F

طيب تعرف Prezi عملاق عمل الـPresentations بشكل مبدع و جذاب بيلفتك من اول مرة.
و مننساش كلنا اننا اول مرة شوفنا Presentation على Prezii انبهرنا بيها و جرينا سألنا هو البرنامج دا اسمه ايه تخيل ان اللي انبهرنا بيه دا كان على البرنامج التجريبي .. طب تخيل انك تقدر تمتلك البرنامج الأصلي من خلال الإيميل الجامعي من هنا.
http://goo.gl/rNYDdL

ايميل الجامعة معتمد علي مستوي الجامعات يعني ممكن تسجل على اي موقع جامعة وتقدر تتعلم اون لاين.
وكمان تقدر تقدم على اى منحة من عليه تقدر تدور عليها علي Googlee براحتك.

اهم موقع انا شايفه من وجهة نظري ويعتبر من اكبر المكاسب بتاعتنا كطلبه وهو Research Gate.. دة موقع عامل زي LinkedIn كدة بس للباحثين بس.
مش بيسمح لك تسجل فيه إلا بإيميل الجامعة.
 كله علم بس.. الموقع بيتيح لك التواصل مع باحثين في جميع التخصصات من جميع أنحاء العالم.. وإنك تسأل أسئلة في أي مجال وهتلاقي اللي يرد عليك من أي مكان في العالم في نفس تخصصك.
دة غير إن الـAccount عليه يعتبر كأنه C.V لك.. وبياخد Gradee على حسب أبحاثك ونشاطك في وضع إجابات مفيدة لأسئلة غيرك.
http://goo.gl/856zCa

متسيبش حقك كطالب يضيع عليك.. اعرف ايميل جامعتك.
 متسيبش حقوقك تمر عليك مرور الكرام.. دمتم بخير.

Copied : Mahmoud Abdel Fattah

اتعلّم ... وانشر علمك .!
فزكاة المال بعض المال وزكاة العلم كل العلم
 متــــــخفش على فـــارق التفوّق .. فأنت متفوق بســـــيرة مخلّدة ليك بــــعد الممــــات .. أنت متفوق بـ علم ينتفع به ..!

#علم_ينتفع_به
#تعلم_المعرفة_بين_ايديك