مهارات الأعمال Business Skills

عارف إيه أكتر حاجة بتجيب فلوس، و للأسف هي أكتر حاجة ماحدش بيهتم بيها؟ ال Business Skills.

هتلاقي 28 نصيحة و معلومة عن الBusiness Skills في البوست ده.

1 - أهم وصفة للتفوق و النجاح في أي عمل هي الKSA (مش السعودية)، و دي اختصار للكلمات ال3 دول: Knowledge (المعرفة) و Skills (المهارات) و Attitude (أسلوب التفكير و الكلام و العمل). الKnowledge بتحصلها عن طريق القراءة و الكورسات.. الSkills عن طريق تطبيق المعرفة دي و ممارستها، و الAttitude طريقة التطبيق.

2 - الSkills ممكن تبقي مهارات لغةLanguage (زي الإنجليزي)، أو مهارات كمبيوتر و تكنولوجيا IT، أو مهارات تخصصية و فنية زي الطب و المحاماة و المحاسبة Technical، ...أو مهارات عمل .. اللي هي الBusiness Skills.

3 - الBusiness Skills هي مهارات أداء الوظيفة، مثال سريع: Marketing Skills: مهارات التسويق. التسويق مهارة، يعني لازم تدرسها و تطبقها.

4- لما بتبقي الSkills دي تنفع لكذا وظيفة، بنسميها Transferable Skills.. زي مثلا مهارة الCustomer Service (خدمة العملاء) مهمة جدا مش بس لموظف خدمة العملاء، لأ دي مهمة أيضا للمدرس و الطبيب و الشخص اللي بيشتغل في الMarketing. و دلوقتي في الإنترفيوهات في الشركات الكبيرة بقوا بيسألوا كتير في حتة الTransferable Skills، فلازم نقرأ فيها كويس.

5 - الBusiness Skills هي أكتر مهارات بتجيب فلوس، لأن تخيل مثلا نفسك دكتور ممتاز فاتح عيادة علي أعلي مستوي ، و معاك راس مال محترم، لكن ماحدش يسمع عنك لأنك ماعملتش Marketing، و لما بدأوا يسمعوا عنك الموظف أو الممرض اللي برا مابيعرفش يتعامل مع الناس و أسلوبه سيء و مبيعرفش يعمل Follow up (متابعة) مع المرضي و يتأكد من رضاءهم عن الخدمة الطبية لأن مفيش Customer Service Skills خالص عنده .. ده غير إنك - برغم شطارتك كدكتور - لكن بتيجي متأخر و بتطول أوي مع المرضي جوة لأن الTime Management Skills عندك زيرو .. أما بقي لما جيت تأجر الشقة عشان تعملها عيادة، فصاحب المكان قاللك هياخد منك 3 آلاف جنيه في الشهر، انت وافقت علي الفور، و بقيت ملزم بدفع 3000 شهريا، و بعد ما فتحت العيادة عرفت بالصدفة إنه كان عارضها للإيجار أصلا ب 1500، و إنك لو كنت فاوضته شوية كنت هتوفر مبلغ محترم، لكن انت زيرو في الNegotiation Skills .. المهم، العيادة كبيرة و فيها دكاترة تانيين و ممرضين و عمال و محاسبين. مجموع العاملين فيها 12 شخص، قمت حضرتك عملتلهم أنترفيوهات، و اديت لكل واحد المرتب اللي عايزه، فلقيت نفسك بتدفع 25 ألف جنيه مرتبات، و بقيت ملزم بدفعهم شهريا، مافكرتش تناقش الناس في المرتبات أو تقلل عدد العمالة شوية لأن مفيش HR Skills عندك. المهم إنت بتجيب مستلزمات للعيادة شهريا ب 5 آلاف جنيه، و بتجيب حاجات بزيادة بتترمي و ملهاش لازمة، لأنك مابتحسبش ، كل ما يجيلك الموظف يقولك عايزين مبلغ كذا نشتري كذا تديله إذن صرف .. فلما اتكلمت مع زميلك اللي عنده عيادة أكبر، قالك: إزاي 5 آلاف؟ ده انا بصرف 3 و نص بس في الشهر مستلزمات، إنت بس اللي ملكش في الBudgeting Skills (مبتعرفش تحط ميزانية). تفتكر إنت كدكتور شطارتك العلمية لوحدها هتنفعك بالشكل ده؟؟

6 - لازم لازم لازم تعرف أساسيات الإدارة، عشان كدة ال (Business Management) مهمة جدا، انك تعرف أركان إدارة الأعمال الأساسية، عشان لو حبيت تشتغل في المجال الإداري أو يبقي ليك بيزنس خاص بيك (أيا كان حجمه)، لأن للأسف أكتر من 80% من الشركات الناشئة بتفشل، لأنها بتبقي بالحب إلي أقصي درجة، و لما تقرا عن أسباب فشلها تلاقي أصحابها مكلفوش خاطرهم يعرفوا أساسيات أي بيزنس. ده كورس مجاني من جامعة كاليفورنيا في أساسيات الBusiness Management 

http://goo.gl/4JJZ35

7 - تقريبا كلنا عارفين الHuman Resources أو الHR، بس قليل مننا يعرف خلفية الموضوع. لو دخلت علي كورس الManagement اللي في رقم 6 هتعرف إن أي شركة أو مصنع أو مؤسسة أو كيان لازمله 4 أنواع من الموارد:

موارد طبيعية Natural Resources (اللي هتحتاجه من الطبيعة)

موارد تكنولوجية Technological Resources (أي حاجة تم تصنيعها، من أول اللمبة لغاية الماكينات الضخمة و الكمبيوتر)

موارد مالية Financial Resources : الفلوس اللي هتبدأ بيها البيزنس.

موارد بشرية Human Resources : اللي هيدير اللي فوق ده كله. و بنسمها Human Resources لأن البشر زي الفلوس بالظبط، مورد يمكن تنميته و ممكن يضعف و ممكن يختفي .. أيوة ممكن لو انت صاحب مصنع فاشل تصحي الصبح تلاقي عمال المصنع كلهم مقدمين استقالاتهم و سايبينك. ده كورس مجاني من جامعة مينيسوتا في أمريكا في الHR

http://goo.gl/5oI2Yj

8 - أيا كان البيزنس بتاعك، و أيا كان مجالك، لازم يبقي عندك فكرة محترمة عن ال(Customer Service Skills) .. و صدقني خدمة العملا مش هي موظف تي إي داتا اللي بيقوللك اقفل الراوتر و افتحه، مفهوم و تفاصيل خدمة العملا لما بيتطبق في مجالات أخري زي الطب و الهندسة و التدريس و التدريب و البنوك بيخلي العميل عنده Customer Loyalty (ولاء للشركة و للمنتج) ... ده كورس مجاني من أكاديمية (Udemy) الأمريكية في خدمة العملاء http://goo.gl/k7Mpe7

9 - لأن الحياة قاسية و Unfair، و لأن ماحدش بيديلك اللي انت عايزه غير لما تقدمله اللي هو عايزه، لازم ال(Negotiation Skills) (مهارات التفاوض)، تتفاوض علي مرتب، تتفاوض علي مستحقات مالية، تتفاوض علي Deal معين. و التفاوض مش بيتم عن طريق إنك تقول للطرف الآخر " و النبي و النبي عايز كذا " .. لأ في مفاتيح معينة ممكن تستخدمها تخلي المفاوضات تنقلب تماما لصالحك و تاخد اللي انت عايزه و أكتر .. من أهم أنواع المفاوضات التفاوض علي المرتب و التفاوض علي العمولات و التفاوض في الاستيراد و التصدير.. و لذلك جامعة (ميتشجان) عاملة كورس في الNegotiation مجانا هناhttp://goo.gl/J2HWnn

10 - أهم Business Skill لازم تتقنها تماما زي ما بتتقن الفيسبوك و الإنستاجرام .. هي الTime Management (إدارة الوقت) .. و إدارة الوقت مابقتش بالمعني القديم الدارج إنك تعمل جدول و تحط To-do List و بس ..لأ دلوقتي الكلام بقي عن حاجة اسمها الProductivity (الانتاجية)، و الانتاجية مش هي الانتاج Production، لأ الProductivity هي إنك تنجز أكتر بجودة أعلي في وقت أقل. هتلاقي هنا كورس من جامعة كاليفورنيا مجانا في الTime Management

http://goo.gl/EFEL6Z

11 - نيجي للمعلم الكبير أوي .. مخ و روح الإدارة ..الMarketing.. و أكتر حاجة مظلومة في الSkills برغم أهميتها، لأن للأسف كتير من البهوات بيبدؤوا الشركة أو البيزنس و يقولوا هييييه عملنا شركة و طلعنا منتج ..يللا نشوف هنسوّقه ازاي .. و طبعا ده غلط، لأن الMarketing المفروض بييجي مع الPlanning في البداية و بيتدخل في تفاصيل اختيارك لمنتجك و مواصفاته عن طريق دراسات للسوق و المستهلك و طبيعتهم. تاني بكرر: مفيش حاجة اسمها انك تبدأ الMarketing بعد ما تطلع المنتج، لازم تبدأ الMarketing من قبل ما تحدد أصلا انت هتعمل منتج ايه .. لأن ببساطة Marketing يعني دراسة الMarket (السوق)، فدراسة السوق هتأثر في اختيارك للمنتج. لدراسة الMarketing من البداية ده كورس مجاني من جامعة بنسلفانيا في أمريكا 

http://goo.gl/RUSWtI

خلي بالك الMarketing فيه عشرات العشرات من التخصصات، فلو حابب تتخصص في حاجة زي الSocial Media Marketing مثلا فده كورس من Northwestern University في أمريكا مجانا برضه http://goo.gl/1llV5i

12 - و لإن مفيش Marketing من غير Sales، فلازم نوضح إن الSales مش الشخص السمج اللي بيتصل بيك يسوقلك منتج مضروب علي التليفون، ولا هو رجل المبيعات اللي لابس بدلة و بيسألك أسئلة شخصية و يقنعك إنك فزت بجايزة ماعرفش فين .. الSales معناه التأثير في سلوك العميل و نفسيته. لأن في عميل سريع في الشراء، و عميل متشكك، و عميل متردد، و عميل عدائي ... و لأن الSales بيتم بخطوات منطقية اسمها Sales Presentation ، بتبدأ ببناء الثقة مع العميل، ثم طرح اسئلة عليه، ثم الاستماع إليه، ثم تحديد المشكلة أو الاحتياج اللي عنده، ثم اظهار منتجك كحل لمشكلته، ثم الاجابة علي اسئلته، ثم الرد علي اعتراضاته و تخوفاته، ثم الClosing و اتمام البيع، ثم طلب الReferrals (الترشيحات) منه لأشخاص آخرين يشتروا المنتج ..و هكذا .. كل ده هتلاقيه بالتفصيل في الكورس المجاني ده من أكاديمية Udemy الأمريكية http://goo.gl/iLfpI9

13 - في الشركات المتوسطة والكبيرة، في Skill تعتبر فرع من فروع الإدارة، اسمها (Supply Chain Management)، و دي عالم تاني لوحدها، بتحتاج دراسة و تدريب دقيق، لأنها لما بتتم في الشركات بشكل علمي بتحقق طفرة من حيث التكلفة و الجودة و الوقت. و هي متصلة بشدة بمجال الLogistics. ده كورس مجاني من جامعة نيو جيرزي الأمريكية في مجال الSupply Chain Logistics 

http://goo.gl/J0LgYI

14 - عايز تبقي Trainer ملو هدومك و كلامك مؤثر و تقدر تكسب كويس من وظيفتك؟ الله يكرمك .. اطلع من الجو القديم بتاع " فلان الفلاني .. مساعد أول د. ابراهيم الفقي و مستشارالعلاقات المعرفش ايه و المعالج بالإيه .. إلخ) .. الTraining مهنة راقية أوي و عالية أوي و لا يليق بيها كم الابتذال اللي بيحصل ده .. فبالتالي لازم تتدرب علي (Presentation Skills) و ال( Training Skills) و ال(Public Speaking Skills) .. و تشوف ايه الQualities (الصفات) اللي لازم تتوافر فيك، و ايه الSkills اللي لازم تنميها .. و اطمن .. ماحدش من الTrainers الجامدين اللي بيقفوا قدام الجماهير دول اتولد كده، و أنا عن نفسي أول 3 دقايق وقفتهم قدام الناس كنت هعيط من الخوف والكسوف .. بس زي ما قلنا، دي Skills و All Skills are Learnable.

ده كورس مجاني من مؤسسة Tafe SA الاسترالية اسمه Becoming a Confident Trainerhttp://goo.gl/Cc3TgM

و ده كورس مجاني من جامعة واشنطن الأمريكية في الPublic Speaking

http://goo.gl/LSgD7p

15 - الSkill دي بقي تعتبر كلمة السر في الحصول علي الوظيفة، هم 2 Skills متداخلين مع بعض أوي، اسمهم Personal Branding & Self-Marketing .. إنك ازاي تعمل لنفسك Brand، و تسوّق نفسك للشركات كإنك منتج عالي، و تخلي نفسك مطلوب. و تعرف الصورة اللي واصلة للآخرين عنك ايه .. و ازاي تحسنها و تتخلص من عيوبك. هتلاقي هنا كورس مجاني من جامعة (نيويورك) الأمريكية في المجالدهhttp://goo.gl/JZLMxM

16 - في Skill عجيبة اسمها(Likability) .. اللي هي قدرتك علي إنك تخلي الناس يتقبلوك و يحبوك و يحبوا يوظفوك أو يعملوا بيزنس معاك. و الموضوع ده مش فطري ولا بتتولد بيه ولا لازم تبقي Baby Face عشان يتقبلوك :D الموضوع ده Skill بتتعلمها و تطبقها ... ده مقال صوتي (مكتوب و مقروء بالإنجليزي) لرجل الأعمال و المحاضر الأمريكي Todd Smith، 

بيتكلم فيه بالتفصيل ازاي تخلي نفسك Likable للآخرين و تخلي ده يفيدك في العثور علي وظيفة أو اتمام Deal أو بيزنس. http://goo.gl/PZYHhe

17 - طب بالنسبة لل Leadership Skills ؟؟ لو حلفتلك إن دي Skill مش موهبة ولا الكلام هتصدق؟ آه و الله دي Skill .. و ممكن تتعلمها و تطبقها .. و مش شرط تبقي مدير ولا مشرف، لأن ببساطة الLeadership عبارة عن حاجتين: Likability (إن الناس يتقبلوك) و Influence (إنك تأثر فيهم إيجابيا). و في الحتة دي عمنا Todd Smith كاتب مقال حلو أوي هنا http://goo.gl/0lrE9K اسمه 

The Secret to Becoming an Effective Leader

و لإن القيادة بتحتاج شيء من الذكاء العاطفي Emotional Intelligence اللي بنسميه الكاريزما، فده كورس مجاني من جامعة CWRU في الولايات المتحدة في الLeadership Skills و كيفية صناعتها عن طريق الذكاء العاطفي. 

http://goo.gl/9QALuP.

18 - مفيش حاجة إسمها فهلوة ولا شطارة، كل حاجة بتيجي بالتعلم و الاكتساب و التدريب، و سيبك من موضوع الموهبة ده و ركز في الSkills.

19 - تعلم أي Skill بيبقي صعب أو بياخد وقت و مجهود و فلوس، لازم تأقلم نفسك علي كدة.

20 - أنا عارف إن هيجيلي سؤال: طب مفيش كورسات أونلاين أطور بيها نفسي في الSkills دي بالعربي ؟؟ هو كله إنجليزي؟ و إجابتي كالتالي: ممكن يكون في حاجات بالعربي، بس مانصحش بيها، لأن أغلبها مش بيكون مخدوم و متعمق زي نظيره الإنجليزي، ده إني حتي لو لقيته مش هنشره، لأنك المفروض بدل ما تتعلم العلوم المترجمة إنك تتعلم اللغة الأصلية للعلوم دي و تفهمها بيها، فتبقي استفدت إنك درست اللغة و درست المهارة دي. و كدة كدة مفيش شغل بدون إنجليزي :D

21 - مفيش كلمة بكتبهالك عن الSkills إلا لما بكون جربتها بنفسي و نجحت معايا و أثرت إيجابيا علي دخلي، فبالتالي الكلام ده كله Practical.

22 - الBusiness Skills مش تنمية بشرية، الفرق بينهم زي الفرق بين العربية المرسيدس و الجيلي (الصيني). دي عربية و دي عربية، دي بتوصلك لشغلك و دي بتوصلك لشغلك، بس دي حاجة و دي حاجة ... و ده مع خالص احترامي للي بيشتغلوا في مجال التنمية البشرية.

23 - الSoft Skills هي هي الBusiness Skills غالبا، لكن بتركز أكتر علي المعاملات اليومية، و ممكن بنسميها Interpersonal Skills أو People Skills.

24 - الBusiness Skills + الإنجليزي + أساسيات الكمبيوتر ممكن يخلوك - بإذن الله - إنسان ناجح و محبوب و غني، و أغلب مليونيرات أمريكا كانوا كدة، أيا كانت شهادتك الجامعية، حتي لو طالب، و أنا شخصيا أعرف طلاب بيكسبوا أكتر من مدير عام في شركة بترول. :)

25 - لو مش حابب تشتغل في شركة و عايز تفتح الBusiness الخاص بيك، فده شيء جميل، بس لازم بجانب دراسة كل اللي فوق، إنك تدرس Entrepreneurship (ريادة أعمال)، و ده كورس ممتاز من أكاديمية Edx الأمريكية و مجانا: https://goo.gl/WvVPam

26 - ال Skills مش معلومات بتتحشي في الدماغ، لأ لازملها تطبيق، عشان كدة أثناء ما بتقرأ و تاخد كورسات لازم تنزل تشتغل، أي شغل حتي لو بعيد عن مجالك، ممكن تطبقها عن طريق التطوع في الStudent Activities أو الأنشطة التطوعية عموما، تاني: لازم دراسة و تطبيق.

27- إنت أولي بفرق الدخل و الPosition اللي هيحصللك - بإذن الله - لما تتقن الSkills دي، و مش راح تندم علي حاجة قد ندمك علي الوقت اللي عدي بدون ما تتعلم حاجة ممكن تترجم إلي فلوس و احترام للذات.

28 - احفظ المقولة دي: Skills will pay your bills، يعني مهاراتك هتجبلك شغل محترم يخليك إنسان محترم

ابدأ دلوقتي.