Guerrilla Marketing

معظم المهتمين بالماركتنج سمعوا عن المصطلح ده و أغلب المعلومات المتاحة عنه هي لما الشركة تعمل فكرة اعلان مجنونة و غير تقليدية سواء اعلان في الشارع أو فلاير أو فكرة دعائية جديدة و خلاص ان ده بنسميه  Guerilla Marketing و ده طبعا صح مش غلط ..بس الفكرة ان الاعلان بالشكل ده اه يعتير من أنواع ال Guerilla Marketing بس مش كدة بس،

Guerrilla Marketing

  دي استراتيجية كاملة ليها اشتراطات و طرق تنفيذ معينة ممكن تعملها من غير اعلانات أصلا كمان …طب ازاي ؟؟

---

نأخد الموضوع من الأول كالعادة .. أول حاجة

Guerilla or Guerrilla

دي يعني حرب عصابات و مالهاش اي علاقة بالغوريلا

Gorilla

( اللي احنا حاطين صورتها عشان تفضلوا فاكرين)

و هي جزء من مجموعة استراتيجيات اسمها
Marketing warfare Strategies
استراتيجيات تسويقية حربية
و دي مجموعة من الاستراتيجيات تسويقية تم التوصل ليها في أوائل التمانينات كدة بناء على فكرة اعتبار الحرب بين الشركات كحرب حقيقية و استخدام الاستراتيجيات العسكرية و تحويلها لاستراتيجيات تسويقية .و كان اهم الاستراتيجيات التسوقية دي هي
1-Defensive Marketing Warfare

استراتيجية دفاعية و فيها الشركة بتدافع عن الحصة السوقية بتاعتها قدام المنافسين و خصوصا لو في منافس جديد قوي دخل و بيهاجمها و تحاول تصد أي هجمات تسويقية ليه .
زي مثلا دة لما بيج كولا حاولت تلعب على جزء السعر الاأقل راحت بيبسي و كوكاكولا منزلين عبوة بنفس السعر
أيضا فودافون و أورانج قاموا بجملات اعلانية و عروض مكثفة للحفاظ على عملائهم من الشبكة الجديدة المصرية للاتصالات
و غالبا اللي بيستخدم الاستراتيجية دي لازم تبقى شركة كبيرة و قوية عشان تكون عندها الامكانيات اللي تسمحلها برد أي هجوم

.
2-Offensive Frontal Marketing warfare

هنا دخلنا في الاستراتيجيات الهجومية و أول نوع المواجهة و دي أخطرها لأنك هنا شركة جديدة أو موجودة في السوق بس بهاجم كبار السوق أو ال

market leader

تحديدا بشوف أي نقطة ضعف فيه و استغلها و اهاجمها .
و مثال لده اتصالات لما كانت ماسكة فودافون دلوقتي في اعلاناتها و قبل كدة كمان في موضوع المارد

و شركتي

Du & Etisalat in UAE

اعمار و داماك 

و اعلانات الشركات الكبيرة ضد بعض زي برجر كينج و ماكدونالدز

كريم مع أوبر

نفس الموضوع في شركات الأدوية لما تبقى بتقارن نفسك بالماركت ليدر

و في دعاية السيارات الموضوع ده منتشر برضه

.
3-Offensive flanking Marketing warfare

هنا هجوم برضه بس بذكاء شوية  بنظام القفز بالمظلات كدة ..و بتعتمد بشكل كبير اني أركز في المناطق الجغرافية الغير مطروقة بشكل كبير من المنافسين الكبار ..او ال
Peripheries
زي سينا كولا كدة مركزة في الدلتا و الصعيد و في الاطراف بتاعتهم كمان مش في مراكز كل المدن.
شركات أدوية مصرية كتير دلوقتي بتشتغل في محافظات الدلتا فقط او الصعيد فقط و هكذا
زي شركة مقاولات  تركز على المشروعات الصغيرة و تبعد عن منافسة اعمار و داماك

و أيضا بيج كولا عالميا بتحاول تنافس بيبسي و كوكاكولا بعيدا عن أمريكا

---

4-Guerrilla Marketing Warfare

هنا بقى استراتيجية حرب العصابات ..يعني الشركات بتحاول تطلع كل المكر و الدهاء بتاعها بحيث تعمل نتيجة كبيرة في أقل وقت و أقل امكانيات
Hit and Run
أو احاول أستولي على منطقة صغيرة أوي من السوق أقدر ادافع عنها (شغل عصابات بقى )
و هنا أنا استراتيجية عصابات بقى فبحاول أستخدم طرق غير تقليدية و مبدعة على قد ما أقدر عشان أسيب أكبر تأثير ممكن
●من امثلتها زي ما قولنا الحملات الاعلانية الغير تقليدية ..في الشارع في الجرايد في التليفزيون حتي ..بس لفترة قصيرة و تسيب أكبر تأثير ..
طبعا برة الموضوع ده بيتعمل اكتر بكتير بخصوص الاعلانات المميزة و بأفكار جديدة (ممكن تشوفوا بعض الامثلة للاعلانات دي  اخر المقال )

●اعلان كرانش اسكنشايزر كان نفس الفكرة حاول يعمل

Buzz

في رمضان

و بعدين اختفى شوية و بعدين رجع تاني باعلان جديد و هكذا ..
●بس فاكرين قولنا انها مش بس كدة …طب ايه كمان ..فاكرين في كارفور مثلا لما كنت تلاقي عرض ليوم واحد على تلفزيون

LCDو كان غالبا بيبقى بلوتو على ما أذكر و تلاقيه سعره نازل النصف تفريبا عن أي منافس …و بعدين العرض يختفي 6 شهور و يرجع تاني يوم واحد و هكذا ده برضه

Guerilla Marketing

اضرب و اجري …بينزل يوم واحد يبيع بيع خرافي و يختفي فالمنافسين مايلحقوش يعملوا استراتيجيات مضادة ليه .لأن انا مش كبير كفاية اواجه الشركات الكبيرة بشكل مباشر و عايز أبيع فبستخدم الاستراتيجية دي .و ممكن تبقى باستخدام الدعاية او التوزيع او السعر او منتج جديد لفترة محدودة مثلا بس ده مش معناه ان الاستراتيجية دي للشركات الصغيرة فقط ..هي حل أمثل ليهم بس ده مايمنعش ان شركات كبيرة كتير بتستخدمها لتحقيق هدف معين..,و دلوقتي يقى سهل اوي انك تعمل أفكار مميزة من خلال السوشيال ميديا

و فيه أنواع كثير من الأفكار المجنونة لل

Guerrilla Marketing

و اللي غالبا بتكون قليلة التكلفة مقارنة بباقي الطرق و ممكن أن يتم تصنيفها :

 

Ambient marketing

Ambush marketing

Stealth marketing

Viral/buzz marketing

Guerrilla projection advertising

Grassroots marketing

Wild posting

Astroturfing

Street marketing

هنتكلم عن كل نوع بشكل  منفصل ، تابعونا على الصفحة و الموقع

طبعا لو ركزتوا في الاستراتيجيات دي هتلاقوها مش كافية لوحدها و هي أصلا مستوحاة برضه من أساسيات التسويق من
Segmentation , Targeting & Positioning

بس حبيت أوضح فكرة ال

Guerrilla Marketing جاية منين.